الفوركس ببساطه....(دروس مبسطه لكل مبتدأ)

الفوركس كلمه من أحرف بسيطه ولكنها تشمل معانى كثيرة جدا ومفاهيم كتير جدا فهى تطلق على تجارة من اكبر انواع التجارة فى العالم وعلى سوق هو اكبر سوق فى العالم بيتم التعامل فيه بامواله ضخمه وبكميات كبيرة

طيب ايه رايكم ندخل مع الناس الكبيرة دى ونزاحم معاهم ونتاجر معاهم .. ايه ده ممكن ؟؟؟؟؟
 طبعا ممكن بالتعليم والصبر والتدريب نوصل ل اهدافنا بأذن الله

طيب انت عمال تتكلم كدا يعنى عاوز توصل ل ايه ؟؟؟؟؟؟؟؟

 عاوز اوصل بيكم لتعلم اساسيات وتفاصيل الفوركس عشان نقدر نتاجر سوا وندخل البحر الكبير ونقدر نصطاد سمك ولو كان صغير بس يوم عن يوم هنتعلم اكتر ومستوانا يتحسن اكتر بالصبر والتعلم والتدريب

هتكون بدايتنا من الموضوع ده الى هيكون فيه شرح بطريقه بسيطه قدر الامكان للفوركس والتجارة فى بورصه العملات الدوليه
وكل الى طالبه منكم المتابعه والمناقشه المناقشه يجماعه هى السبيل للفهم وترسييخ المعلومه عوزكم تسالو فى اى حاجه متكونش واضحه وتتناقشو فى كل كبيرة وصغيره من غير اى تردد ولو كان فى اى سؤال برا الموضوع ده او سؤال فى نقطه لسه موصلنهاش فى الشرح انا فتحت الموضوع ده للاسئله

فكرة عامه 

ملحوظه : انا هحاول على قد الامكان التعبير باللهجه العاميه العاديه البعيده عن المصطلحات الصعبه قدر الامكان علشان توصل الفكرة بكل سهوله .

اولا : لماذ بورصه العملات ( الفوركس): 

- العمل يكون على مدار 24 ساعه 5 ايام فى الاسبوع وده بيدى مجال لتنظيم الوقت واختيار الوقت الى يناسب كل واحد حسب تفرغه والتزاماته اليوميه .

- اى استثمار بيحتاج لمبالغ واموال كبيرة علشان تبدا فيه لكن فى الفوركس بامكانك تبدا بمبلغ صغير جدا وتتاجر كانك تملك عشرات اضعافه وده (نظام الهامش ) بمعنى انك مثلا لو معاك 200 دولار بامكانك تتاجر وكأنك تملك عشرات اضعافهم نعم صدق كانك تملك عشرة اضعافهم وهيتم شرح النقطه دى بالتفصيل ان شاء الله.

- اقصر واسرع طريق للثراء او الحصول على دخل مميز شرط التدريب الصحيح والتعلم المستمر والصبر

- امكانيه التحكم برصيدك وارسال واستقبال اموالك بكل سهوله وفى وقت قصير

- التداول بيتم بواسطه الانترنت يعنى بامكانك تكون فى اى مكان فيه انترنت تقدر تتاجر مننه من الموبايل من اللاب توب من اى مكان شرط تواجد الاتصال بالشبكه.

- امكانيه التداول والدخول فى الصفقات فى السوق الصاعد والسوق الهابط يعنى ارتفع السعر مش هنستناه لما ينزل وبعدين نشتغل لالا احنا ممكن نشتغل من الصعود الى الهبوط .. وهيتم شرحها بالتفصيل بأذن الله .

نظام الهامش 

اتكلمنا فى المرة الى فاتت عن بورصه العملات بشكل عام وقلنا بعض مميزاتها والنهاردة ان شاء الله هنتكلم عن نظام الهامش بشكل اكتر تفصيل

راس المال هو اكبر عائق بيقف قدام اغلب الناس الى عوزين يدخلو مجال الاستثمار عشان معظم المشاريع بتتطلب اموال كبيرة ممكن متكونش متاحه عند الكل.
 الفوركس ممكن تتاجر فيه بفلوس اضعاف اضعاف راس مالك
 طب ممكن واحد يسالنى ازاى ؟
 ببساطه هو ده نظام الهامش وعشان نوضح الفكرة بشكل اكبر ركزو معايا فى المثال ده .

خلينا نتخيل انك عاوز تتاجرفى العربيات ( السيارات) طبعا هتنزل السوق وتشوف اى نوع من العربيات هو الى عليه اقبال وتروح التوكيل وتشترى النوع الفلانى الى نفترض مثلا قيمته 10000$ وبعد كدا تنزل السوق وتعرض العربيه للبيع ونفترض انك بعت العربيه بمبلغ 12000$ يبقى كدا مكسبك 2000 دولار

طيب نفترض انك ملقتش اقبال على نوع العربيه دى وبعتها ب 8000 دولار يبقى هنا خسارتك هتكون 2000 دولار

تمام لغايه كدا عمليه طبيعيه جدا بتتعمل كل يوم

بس نقف هنا عشان العمليه دى تتم لازم يكون معاك مبلغ 10000 دولار عشان تقدر تشترى العربيه صح ؟

 يعنى لازم تكون مالك لمبلغ 10000 دولار علشان تقدر تشترى العربيه
طيب نفترض انك مش معاك المبلغ ده هل فى طريقه تقدر تعمل بيها نفس العمليه ؟

ها معقول فى طريقه معقول اقدر اشترى العربيه واتاجر بيها وانا مش معايا غير جزء بسيط من قيمتها

طبعا تقدر !

وهو ده نظام الهامش ططيب ازاى ؟

 ببساطه المبلغ الى هتحتاجه هو 1000 $ فقط هيقلك مدير وكاله السيارات احنا هنقوم بحجز العربيه باسمك فى مقابل مبلغ 1000 $ كتأمين ونت تروح السوق وتتصرف كأن العربيه بتعتك بالظبط تعرضها للبيع مثلا ب 12000دولار
هترجع لوكاله السيارات ال 10000 دولار ثمن العربيه الاصلى
وتحتفظ انت بال 2000 دولار مكسبك فى عمليه البيع وتاخد التامين بتاعك زى مهو  يعنى بكدا انت تاجرت باضعاف اضعاف راس مالك

طيب نفترض انك بعت العربيه بمبلغ 9500 دولار وهى ثمنها 10000 دولار يعنى خسارة قدرها 500 دولار هنا وكاله السيارات هتاخد قيمه الخسارة من ال 1000 دولار التامين الى عندهم .

 يعنى الربح متوقف عليك وعلى مدى تحليلك لسوق السيارات .

ده بالظبط الى بيحصل فى الفوركس الى بيخليك تتاجر وكأن معاك اضعاف اضعاف رأس مالك وهذا ما يسمى بنظام الرافعه الماليه .

كيف تتحقق الارباح؟؟

الاجابه على السؤال ده بديهيه جدا بيتحقق الربح لما نشترى سلعه ونبيعها بسعر اعلى من سعر الشراء وبكدا يبقى فرق البيع من الشراء بيكون هو الربح حسب المعادله الاتيه :

الربح= سعر البيع - سعر الشراء
نشترى بسعر ونبيع بسعر اعلى منه والفرق هو ربحنا طبعا ده بديهى جدا ومعروف للكل.

 بس قبل منشترى السلعه لازم يكون عتدنا توقع بأرتفاع سعرها مستقبلا لما يكون التوقع ده متوافر عندنا بنسبه كبيرة ده يدفعنا نشترى اكبر كميه من السلعه وبيعها بعد ما يرتفع ثمنها هذه الاسواق تسمى الاسواق الصاعدة .

 طيب نفترض مثلا انه كان عندنا توقع بانخفاض سعر سلعه معينه مثلا مثال السيارات الى فى المشاركه السابقه لو افترضنا ان السعر السيارة هيقل مش هيرتفع فى الفترة الى جايه طبعا هيكون من الغباء اننا نشتريها لاننا كدا هنخسر لان تحليل السوق بيقول ان سعر هذه السيارة هيقل واحنا منقدرش نبدأ نشترى سلعه الا لما نتوقع ان سعرها هيرتفع وان الاسواق صاعدة . طيب لو قلتلك اننا نقدر كمان نكسب فى السوق الهابط فىالسوق الى نتوقع فيه انخفاض السعر نقدر فيه طب هتقلى ازاى ؟

 خلينا نرجع لمثال السيارة فى المشاركه السابقه دلوقتى نت معاك سيارة قيمتها 10000 $ وتحليل السوق بيدل على ان السعر هينخفض لحوالى 8000 $ هل ممكن نحقق ربح برغم الانخفاض ؟

الاجابه نعم !
بكل بساطه هتبيع السيارة دلوقتى بسعر 10000 $ وترجع تشريها لما يوصل سعرها 8000 $ يبقى ايه النتيجه
سيارتك رجعتلك + 2000 $ دولار مكسب + انك تاجرت فى السوق الهابط زيه زيه السوق الصاعد بس الاختلاف ان فى السوق الصاعد بدات صفقتك بالشراء ثم البيع ,لكن فى السوق الهابط بدأت صفقتك بالبيع ثم الشراء .

 يبقى مش مهم ان السوق يكون صاعد او هابط ولكن المهم هو حسن تحليلك للسوق وتوقعك المبنى على اساليب صحيحه .

 نفس الفكرة فى الفوركس او بورصه العملات نشترى ونبيع فى كلا السوقين ويطلق على الاسواق الصاعدة (سوق الثيران) وعلى الاسواق الهابطه ( سوق الدببه) وهى مصطلحات خاصه بالفوركس وكل الاسواق الماليه

كمان بيطلق مصطلح ( long ) لما تبدأ الصفقه بالشراء ويطلق (short ) لما نبدأ بالبيع .
 وبكدا يبقى عرفنا الاسواق الصاعده والاسواق الهابطه وكيفيه تحقيق الربح فى كلا منهما.
منتظر اسئلتكم واستفسارتكم .

العملات الرئيسيه

لكل دوله عمله خاصه وليها رمز معين لتسهيل التعامل بين المتداولين والتجار من غير حدوث اى لخبطه او اخطاء مثلا ممكن اسم العمله يتشابه من دوله للتانيه زى الدولار مثلا عندنا:

 دولار امريكى
 دولار كندى
 دولار استرالى
طبعا الاسم ممكن يسبب لخبطه واخطاء فى التجارة وعلشان ده ميحصلش تم الاتفاق دوليا على اعطاء رموز مختلفه لكل عمله تختلف عن رمز عمله الدوله الاخرى فمثلا :
 الدولار الامريكى رمزه USD
 الدولار الكندى رمزه CDA
الدولار استرالى AUD
طبعا المتداول له كامل الحريه فى شراء او بيع اى عمله ل اى دوله لكن التجارة فى بورصه العملات بتتم غالبا على اربع عملات هما:

اليورو URE : وهو عمله الاتحاد الاوربى

الين JPY : وهو عمله اليابان

الجنيه الاسترلينى GBP : وهو عمله بريطانيا

الفرنك السويسرى CHF : وهو عمله سويسرا

يعنى بنسبه تفوق 80% بيتم التداول على الاربع عملات السابقه .
 بيتم تداول العملات بشكل ازواج ويوجد نوعين من الازواج
1- العملات الرئيسيه :
 وهى الى بيكون فيها الدولار الامريكي طرفا اساسيا ومنها :
 اليورو / دولار : eur\usd
 االاسترلينى /دولار : gbp\usd
 الفرنك /دولار : usd\chf
 الدولار/ين : usd\jpy

1-العملات المهجنه :
 وهى الى بيكون الدولار الامريكي غير متواجد فيها مثل:
 اليورو/باوند : eur\gbp
الفرنك/ين : chf\jpy
الاسترلينى/ين: gbp\jpy

وهكذا....... اى زوج ميكونش الدولار الامريكي طرف فيه بيسمى زوج مهجن او التسميه الشائعه الكورسات

حجم العقد و قيمه النقطه 

كل السلع ليها وحدات ثابته مثلا لما بنتشرى لحمه بنقول كيلو غرام لحمه يبقى الكيلو هو وحدة القياس
لكن فى الفوركس وحدة القياس هى اللوت Lot
وهو اقل حد يمكن المتاجرة به يعنى مثلا ممكن نشرتى 1 لوت 2 لوت 3 لوت ............. وهكذا
ومن الجدير بالذكر ان اللوت قيمه صحيحه لالا تتجزأ يعنى مثلا مينفعش نقول نص لوت لو لوت ونص لالا هى قيمه صحيحه 1 لوت او 2 لوت ..............

 قيمه النقطه : تختلف قيمه النقطه من عمله ل اخرى مثلا قيمه النقطه فى زوج اليورو /دولار = 10 دولار فى الحساب العادى و 1 $ فى الحساب المينى و 10سنت فى الحساب الميكرو ( هنشرح انواع الحسابات لاحقا ان شاء الله )
 مثلا اشترينا لوت واحد من اليورو /دولار بسعر 1.4300
 وبعد قليل ارتفع السعر الى 1.4350
 يبقى الفارق ( 1.4350 - 1.4300= +50)
يبقى بيكون مكسبنا على حسب نوع الحساب كاالتالى:
 10 دولار فى الحساب العادى يبقى الناتج (50 * 10= 500 دولار )

1دولار فى الحساب المينى يبقى الناتج (50 * 1 $ = 50 دولار )

وهكذبيتم حساب قيمه الناتج على حسب نوع الحساب وقيمه النقطه (قيمه النقاط بنتعرف عليها من شركات الوساطه )

انواع الحسابات
1- الحساب العادى : وهو الى بتكون قيمه النقطه فيه 10 دولار مثلا اشترينا زوج اليورو دولار بسعر 1.4200
 وارتفع السعر الى 1.4250
 اذن تكون معادلتنا
1.4250 -1.4200 = 50 نقطه ربح
اذا كيف نحسب قيمه الربح
بما ان نوع الحساب عادى (ستاندرد )اذا يكون مقدرا الربح
 50 * 10 قيمه النقطه = 500 دولار

2- الحساب المينى : وتكون فيه قيمه النقطه = 1 دولار ( واحد دولار)
 اذن وبالتطبيق على مثالنما السابق تكون قيمه الربح
50 نقطه * 1$ = 50 دولار

3- الحساب الميكرو : وتكون قيمه النقطه = 0.10
(10 سنت) اذا وبالتطبيق على مثالنا السابق تكون مقدرا ربحنا
 50 نقطه * 01. $ = 5 دولارات
مع ملاحظه ان المتاجر حر فى اختياره قيمه النقطه ونوع الحساب بما يتناسب مع راس ماله

Posted in: فوركس